Velkomin í Sögusetrið á Hvolsvelli
Gestaboð Hallgerðar í Sögusetrinu
 |
 |
Leiksýning í Sögusetrinu á Hvolsvelli
Eftir og í leikstjórn Hlínar Agnarsdóttur
Elva Ósk Ólafsdóttir leikur Hallgerði
Kristbergur Steinarsson leikur Melkó vinnumann hennar
Rebekka A. Ingimundardóttir hannaði búninga og útlit
Valdís Karen Smáradóttir hannaði hár Hallgerðar
Leikurinn tekur um eina klukkustund í flutningi.
Leikið er á Sögusetrinu á Hvolsvelli sem er um 80 mín. akstursfjarlægð frá Reykjavík.
Sími 487 8781 / 618 6143
Netfang: njala@njala.is og ziggi@siol.net
Leikurinn gerist í nútímanum á Hlíðarenda þar sem kona með sama nafni rekur menningartengda ferðaþjónustu ásamt eiginmanni sínum hrossabóndanum Gunnari. Þessi duglega ferðaþjónustukona segir sögu Hallgerðar langbrókar sem er ein þekktasta kvenpersóna íslenskra fornbókmennta. Við sögu koma karlarnir í lífi hennar, ekki aðeins sá þekktasti sem hún neitaði um hárlokk í bogastreng á ögurstundu, heldur líka hinir tveir sem hún átti á undan. Þá fáum við líka að kynnast fjölskyldu hennar úr Dölum og síðast en ekki síst samskiptum hennar við þau hjónin á Bergþórshvoli Njál og Bergþóru.
Sjá myndir úr sýningunni á Facebook undir Gestaboð Hallgerðar.
Gestaboð Hallgerðar var sýnt s.l. sumar við góðar undirtektir áhorfenda og nú snýr sýningin aftur á sínar heimaslóðir með hækkandi sól.
Sýningar árið 2013 eru áætlaðar sem hér segir:
Laugardag og sunnudag 18. og 19.maí kl. 17.00
Laugardag og sunnudag 25. og 26. maí kl. 17.00
Einnig er hægt að hafa sýningar á öðrum dögum og tímum ef þess er óskað með góðum fyrirvara. Hafið samband við forstöðumann Sigurð Hróarsson.
Verð fyrir einstaklinga: 4500 kr
Verð fyrir hópa: 4000 kr
Innifalið í verði er:
1. Stuttur fyrirlestur um Njálssögu og sögusvið leikritsins. Sigurður Hróarsson forstöðumaður Sögusetursins.
2. Leiksýningin Gestaboð Hallgerðar í Söguskálanum.
3. Kvöldverður – sjávarréttasúpa, salat og brauð. Barinn opinn.
4. Njálssögusýningin á Sögusetrinu.
Verð á Gestaboð Hallgerðar og erindi (án kvöldverðar): 3000 krónur
Þá minnum við á Njálurefilinn – sem öllum býðst að taka þátt í að sauma – gegn vægu gjaldi.
LEIKSÝNINGAR FYRIR BÖRN OG UNGLINGA
Tvær gestasýningar frá Möguleikhúsinu
 |
 |
 |
Ástarsaga úr fjöllunum. Föstud 5. apríl kl. 15:00
Völuspá. Föstud 12. apríl kl. 14:00
Verð: 1.500 kr
ÁSTARSAGA ÚR FJÖLLUNUM
Leikritið byggir á hinni sívinsælu sögu Guðrúnar Helgadóttur Ástarsaga úr fjöllunum sem fjallar um tröllskessuna Flumbru og tröllastrákana hennar átta. Leikgerð og söngtextar eru eftir Pétur Eggerz, sem einnig annast leikstjórn, en höfundur tónlistar er Guðni Franzson. Það eru leik- og söngkonan Margrét Pétursdóttir og leikarinn og tónlistarmaðurinn Valgeir Skagfjörð sem leika sýninguna. Leikmynd og búningar eru eftir Messíönu Tómasdóttur.
Sýningin er ætluð börnum á aldrinum 2ja – 9 ára
VÖLUSPÁ
Völuspá var frumsýnd í Möguleikhúsinu á Listahátíð í Reykjavík vorið 2000. Sýningin var tilnefnd til menningarverðlauna DV fyrir árið 2000 og hlaut Grímuna – íslensku leiklistarverðlaunin 2003.
Verkið byggir á hinni fornu Völuspá og veitir áhorfendum sýn inn í hugmyndaheim heiðinnar goðafræði. Þar segir m.a. frá fróðleiksfýsn Óðins, græðgi í skáldamjöðinn, forvitni hans um nútíð og framtíð, Fenrisúlfi, Baldri, Loka, Hugin og Munin og ótal fleiri persónum.
Leikstjóri sýningarinnar er Peter Holst, Guðni Franzson stýrði tónlistinni í verkinu og leikmynd og búninga hannaði Anette Werenskiold. Á sviðinu eru Pétur Eggerz sem leikur öll hlutverkin í Völuspá og tónlistarmaðurinn Birgir Bragason.
Frá því Völuspá var frumsýnd hefur sýningin gert víðreist, m.a. verið sýnd á hátíðum í Rússlandi, Svíþjóð, Kanada, Finnlandi, Færeyjum, Bandaríkjunum, Þýskalandi og Frakklandi.
Sýningar á Völuspá eru nú orðnar rúmlega 170 talsins.
„Þetta var – eins og tíu ára förunautur minn orðaði það með áherslu um leið og ljósin fóru niður – alveg æðislegt!“ – Silja Aðalsteinsdóttir / DV
„Aldrei fyrr hef ég sé jafn nána samvinnu milli leikara og tónlistarmanns Á sviðinu.“ - Johanna Berglund / Nerikes Allehanda
Völuspá hentar einkar vel til sýninga fyrir eldri deildir grunnskóla (frá 10 ára og upp úr) og framhaldsskóla í samhengi við námsefni tengt Völuspá og norrænni goðafræði.
