Njálunámskeið í Sögusetrinu á Hvolsvelli.
Hefst 25. janúar 2012, lýkur 31. mars 2012.

Öll miðvikudagskvöld frá 19:30 til 21:30 og alla laugardaga frá 10:00 til 12:00.
Námskeiðsgjald aðeins 5000 krónur á mann.

Umsjón:
Sigurður Hróarsson bókmenntafræðingur.

Brennu-Njálssaga lesin ofan í kjölinn og krufin til mergjar.

Fyrirlestrar, spjall og umræður. M.a.:
Uppruni og tilurð, heimildir og handrit, helstu persónur, tímatal, rittengsl, aldur, staðfræði, höfundur, samtíminn, listfengi og lífsskoðanir, tilgangur og boðskapur.
Skráning og nánari upplýsingar hjá umsjónarmanni. Sími 487 8781 & 618 6143.

Sími: 487 8781.

Heimasíða: njala.is

E-mail: njala@njala.is

Sýning á myndskreytingum í íslenskum barnabókum 2010
September – Október 2011, í Gallerí Ormi

Farandsýning frá Gerðubergi.

Myndskreytingar í íslenskum barnabókum 2010.

Sýningin er opin á afgreiðslutíma setursins – og þar fyrir utan samkvæmt samkomulagi.

Sýningin stendur fram yfir miðjan október.

Dimmalimm verðlaunin verða veitt fyrir bestu myndskreytingar í íslenskum barnabókum 2010 við opnun sýningarinnar.

Þetta vilja börnin sjá! er sýning á myndskreytingum úr nýútkomnum íslenskum barnabókum og hefur slík sýning verið haldin árlega í Gerðubergi frá árinu 2002. Markmið sýningarinnar er að beina athyglinni að gildi myndskreytinga í barnabókum. Þátttakendur keppa jafnframt um íslensku myndskreytiverðlaunin sem kennd eru við Dimmalimm. Verðlaununum er ætlað að hvetja bæði útgefendur og höfunda texta og mynda til frekari dáða. Dómnefnd velur eina bók og voru úrslitin kunngerð í Gerðubergi við opnun sýningarinnar, 23. janúar sl.

Þátttakendur í sýningunni í ár eru:

Adrian Sölvi Ingimundarson, Agnieszka Nowak, Anna Cynthia Leplar, Auður Ösp Guðmundsdóttir og Embla Vigfúsdóttir, Áslaug Jónsdóttir, Björk Bjarkadóttir, Brad D. Nault, Brynhildur Jenný Bjarnadóttir, Cassandra Canady, Elísabet Brynhildardóttir, Emily Weber, Erla Sigurðardóttir, Freydís Kristjánsdóttir, Guðrún Kristín Magnúsdóttir, Gunnar Júlíusson, Halldór Á Elvarsson, Halldór Baldursson, Hjalti Bjarnason, Inga María Brynjarsdóttir, Josefina Margareta Morell, Karl Jóhann Jónsson, Kristín Arngrímsdóttir, Kristín María Ingimarsdóttir, Matias Festa, Sigríður Ásdís Jónsdóttir, Sigrún Eldjárn, Sirrý Margrét Lárusdóttir, Þórarinn M. Baldursson, Þórey Mjallhvít H. Ómarsdóttir.

Karl Jóhann Jónsson hlaut Dimmalimm – íslensku myndskreytiverðlaunin 2010 fyrir bókina:
Sófus og svínið
sem gefin er út af Námsgagnastofnun.

Félag íslenskra bókaútgefenda, Myndstef og Eymundson standa að Dimmalimm verðlaununum ásamt Menningarmiðstöðinni Gerðubergi. Í dómnefndinni voru Aðalsteinn Ingólfsson, fulltrúi Gerðubergs, Bryndís Loftsdóttir, fulltrúi Eymundsson og Kalman le Sage de Fontenay, fulltrúi Myndstefs.

Aðalsteinn Ingólfsson sagði m.a. í rökstuðningi sínum:

Stundum gleymist að barnabækur eru ekki einskær afþreying og skemmtun fyrir smáfólkið: þær hafa einnig fræðslugildi. Sú bók sem hlýtur Dimmalimm-myndlýsingarverðlaunin í ár hefur eiginlega töluvert meira fræðslugildi en umfang hennar ber með sér. Mynda-og textahöfundur hennar, Karl Jóhann Jónsson, er myndlistarmaður og myndlistarkennari. Verðlaunabók hans, Sófus og svínið, sem gefin er út af Námsgagnastofnun, er tilraun til að vekja áhuga yngstu nemenda á myndlist og hjálpa þeim að njóta hennar. Söguhetjan Sófus málar fyndin tilbrigði um andlitsmyndir eftir marga frægustu listamenn sögunnar, en þær eru æði litaðar af nærveru aðstoðarmannsins, svínsins Konráðs.

Í bókinni má síðan bera saman örmyndir af frummyndunum og útleggingar Sófusar, og klykkt út með „Umræðupunktum“ fyrir börn, sem jafnvel sjóaðir listunnendur hefðu gagn af að kynna sér, til að mynda um tilgang og réttmæti þess að breyta myndum annarra eftir eigin höfði. Allt kemst þetta til skila, þótt brot á bókinni verði að teljast í naumara lagi miðað við ásetning höfundar. Utan bókar og í fullri stærð eiga „paródíur“ Karls Jóhanns síðan erindi við langtum fleiri en smáfólkið; raunar vildi ég gjarnan sjá sérstaka sýningu á þeim öllum. Í leiðinni get ég upplýst að uppáhaldsmynd mín í bókinni er „svínslega“ sjálfsmyndin af Fridu Kahlo.

Eftirtaldir listamenn hafa áður hlotið Dimmalimm verðlaunin:

2009  Ragnheiður Gestsdóttir fyrir bókina Ef væri ég söngvari
2008 Kristín Ragna Gunnarsdóttir fyrir bókina Örlög guðanna sem skrifuð er af
Ingunni Ásdísardóttur
2007 Sigrún Eldjárn fyrir bókina Gælur, fælur og þvælur
2006 Björk Bjarkadóttir fyrir bókina Amma fer í sumarfrí
2005 Áslaug Jónsdóttir fyrir bókina Gott kvöld
2004 Áslaug Jónsdóttir fyrir bókina Nei, sagði litla skrímslið
2003 Brian Pilkington fyrir bókina Mánasteinar í vasanum
2002 Halla Sólveig Þorgeirsdóttir fyrir bókina Engill í Vesturbænum sem skrifuð er
af Kristínu Steinsdóttur

Föstudagur 29. júlí

Kl. 20:30
Tónleikar þjóðlagasveitarinnar KORKU í Söguskálanum í Sögusetrinu.
Aðgangseyrir 1000,-krónur. Frítt fyrir yngri en 16 ára.

Öll önnur atriði hátíðarinnar eru ókeypis !!

Laugardagur 30. júlí

Kl. 10:00
Fornmannaíþróttir. Keppni og sýning fyrir börn á öllum aldri:

Heimsmeistaramót í langstökki án atrennu – afturábak í öllum herklæðum.
Keppni í nokkrum aldursflokkum – strákar og stelpur.
Allir hvattir til að taka þátt.

Verðlaun fyrir sigurvegara í öllum flokkum.

Aflraunasteinar
Reiptog
Fangbrögð
Pokahlaup
Sitthvað fleira.
Allir hvattir til að taka þátt.
Verðlaun fyrir sigurvegara.

Kl. 13:00
Sviðsetning utandyra á sögualdarbardögum.
Hópatriði: Bardagasenur/fjöldasenur. Einvígi. Án orða.

Kl. 14:00 til 17:00
(Karnival á Hvolsvelli á vegum Hvítasunnusafnaðarins).
Víkingar af Njálsbrennuhátíð – uppábúnir og vopnaðir – verða á staðnum og
skemmta sjálfum sér og öðrum.

Kl. 18:00
LEIKÞÁTTUR:
Sviðsetning utandyra á atriði úr Njálu:
Víg Gunnars.
Í léttum dúr.

Kl. 20:00 til 24:00
Barnadansleikur í Sögusetrinu – fyrir börn á öllum aldri.
Hjónabandið og Hlynur Snær Theodórsson leika fyrir dansi.

Sunnudagur 31. júlí

Kl. 12:00
Íþróttakeppni og atgangur:
Einvígisbardagar á slá. Aflraunasteinar, langstökk, fangbrögð í hring.
Víkingaspil úti á túni.
Allir hvattir til að taka þátt.

Kl. 14:00
Skylmingar: Sverð og skildir í boði. Allir hvattir til að taka þátt.
Víkingadans.
Sitthvað fleira óvænt.
Aðstoð og kennsla: skylmingar og vopnaskak.

Kl. 16:00
Sviðsetning utandyra á sögualdarbardögum.
Hópatriði: Bardagasenur/fjöldasenur. Einvígi. Án orða.

Kl. 21:00
LEIKSÝNING:
NJÁLSBRENNA 1011
Útileikhús fyrir alla aldurshópa:
Þátttakendur: Áhugaleikarar, börn, unglingar og erl. sjálfboðaliðar.
Sviðsetning utandyra á aðdraganda Njálsbrennu og brennunni sjálfri.
Leikmynd: Bærinn á Bergþórshvoli.
Að endingu kveikja brennumenn í bænum.

Kl. 22:30
Brenna.

Þjóðlagasveitin Korka.

Guðmundur og Ingibjörg á tónleikum í Gónhól á Eyrarbakka.

Frá tónleikum Korku í Oddakirkju á Rangárvöllum í júlí 2010.

Korku skipa (eftir atvikum):
Birgit Myschi – gítar, kontrabassi
Björn Emil Jónsson – ásláttarhljóðfæri
Elva Dögg Valsdóttir – söngur, gítar
Guðmundur Pálsson – fiðla, víóla
Helga Sighvatsdóttir – blokkflautur
Ingibjörg Birgisdóttir – blokkflautur
Magnea Gunnarsdóttir – söngur
Magnús Einarsson - ásláttarhljóðfæri
Stefán I. Þórhallsson – ásláttarhljóðfæri

Korka fékk styrk frá Menningarráði Suðurlands til búninga- og hljóðfæra-kaupa í apríl 2009. Sveitin hefur síðan komið fram við ýmis tækifæri s.s. á ferðakynningum, menningarmálaráð-stefnum, Víkingahátiðinni í Hafnarfirði auk sjálfstæðra tónleika.

Það er von okkar Korkufélaga að þessi ómur frá liðnum öldum verði fróðlegt og skemmtilegt krydd í menningarlífið, heimamönnum og gestum til ánægju.

á Hvolsvelli um verslunarmannahelgina.

Njálsbrennuhátíð á Hvolsvelli um verslunarmannahelgina.

Allir velkomnir …

Á þjóðhátíðardaginn, 17. júní næstkomandi kl. 16:00, verður boðið upp á einstakan menningarviðburð í Sögusetrinu á Hvolsvelli. Sigurður Karlsson leikari mun þá flytja hið nýfundna erfiljóð Hallgríms Péturssonar um Vigfús Gíslason sýslumann á Stórólfshvoli.

Óþarft er að taka fram að Hvolsvöllur allur (og næsta nágrenni) er byggður í landi Stórólfshvols og því má með sanni segja að ljóðið verði flutt á heimavelli.

Á undan og á eftir lestrinum verður boðið upp á himneska tónlist: Guðjón Halldór Óskarsson mun leika tvær Inventsjónir eftir meistara Bach og jafnvel Víst ertu Jesú kóngur klár í útgáfu Páls Ísólfssonar, og Sigríður Viðarsdóttir mun syngja eitt eða tvö lög.

Stutt heimsókn til Íslands

Á tímabilinu 20.-25.júní mun sænsk- íslenska hljómsveitin Sandström/Gunnarsson Duo gleðja landsmenn með norrænum jazz og þjóðlagatónum. Dúettinn er skipaður sænska gítarleikaranum Viktori Sandström og íslenska kontrabassaleikaranum Leifi Gunnarssyni.

Upphafið af samstarfi dúetsins er komið til þegar Viktor og Leifur hófu nám við Rythmiska konservatoríið í Kaupmannahöfn. Í Kaupmannahöfn er jazzlífið sérdeilis blómstrandi og margir ungir hljóðfæraleikarar sækja þangað um þessar mundir, sérstaklega af norðulöndunum.

Innblásið af Jan Johanson

Tónlist dúetsins er í grunninn jazz en á efnisskrá dúetsins eru bæði hefðbundinir jazz standardar og sænsk- og íslensk þjóðlög sem þeir félagar hafa útsett í sameiningu.

,,Hugmyndin bakvið þjóðlögin er að gera þau jazzvænlega svona álíka og Jan Johanson gerði hér áður, en auðvitað á okkar persónulega máta. Mér hefur þótt sérstaklega ánægjulegt að kynnast íslenskri tónlist á þennan hátt og hlakka mikið til að fá að flytja hana fyrir Íslendinga.”
-Viktor

Sænsk- íslenskt samstarf

Ferð dúetsins er styrkt af sænsk- íslenska samstarfssjóðnum. Markmið sjóðsins er að styrkja tvíhliða samstarf Svíþjóðar og íslands, fyrst og fremst á sviði menningar, menntunar og rannsókna.

,,Það er okkur mjög mikils virði að hafa fengið samstarfssjóðinn sem bakhjarl, og í sjálfu sér eru það þeir sem yfir höfuð gera ferðina mögulega.”
-Leifur

Hluti af samstarfsverkefninu er að hitta annað listafólk og er því ferðin einnig tengslaskapandi. Þeir félgar munu því hitta Magnús Tryggvason Elíassen og er ætlunin að hann verði gestur á tónleikunum í Fella- og Hólakirkju. Einnig mun dúettinn hitta meðlimi þjóðlagasveitarinnar Korku og er ætlunin að ræða meðferð þjóðlaga og hvernig þau munu nýtast sem innblástur að nýrri tónlist í framtíðinni.
Viktor og Leifur ætla síður en svo að láta hér við sitja, heldur er stefnan að endurtaka leikinn á vel völdum stöðum í Svíðjóð
næsta vor.
Fygjast má frekar með ferðum dúettsins á slóðinni: www.sandstromgunnarsson.wordpress.com

Tónleikadagskrá:

Miðvikudagur 22.júní – kl 20:00 – Sumartónar í Elliðaárdal
Fella- og Hólakirkja – Hólabergi 88 – 111 Rvk Frekari upplýsingar: http://sumartonar.wordpress.com/

Fimmtudagur 23.júní – kl 20:00 Listasalur Mosfellsbæjar
Þverholti 2 – 270 Mosfellsbæ

Föstudagur 24.júní – kl 20:00 – Sögusetrið Hvolsvelli
Hlíðarvegi 14 – 860 Hvolsvelli – Frekari upplýsingar: www.njala.is/

Laugardagur 25.júní – kl 14:00 – Gallerý Gónhóll
Eyrargötu 51-53 – 820 Eyrarbakka – Frekari upplýsingar: http://www.gonholl.is

Frekari upplýsingar:
Leifur Gunnarsson
8689048 / +45 50841128
leifurgunnarsson@gmail.com

Sýning Péturs Péturssonar í Gallerí Ormur, Sögusetrinu á Hvolsvelli, í júní og júlí 2011

Pétur Pétursson er jarðfræðingur að mennt. Hann hefur ætíð teiknað og málað, sótt söfn og gruflað í myndlistinni. Það var þó ekki fyrr en árið 2002 að hann fór að mála stórar myndir á striga. Áður hafði hann aðallega málað með vatnslitum og teiknað.

Pétur er ættaður af Snæfellsnesinu og nokkrar myndir á sýningunni endurspegla dálæti hans á því landssvæði. Aðrar myndir sem sýndar eru hér eru flestar tengdar sunnanverðu hálendinu, sem sagt við Hofsjökul og að Fjallabaki, nema Horn frá Lóni.

Myndirnar á þessari sýningu eru hugarflug um landslag. Leitast er við að fanga kyrrð og þögn, þó ekki stöðugt og varanlegt ástand, heldur síbreytilegt á jarðsögulegum tímakvarða. Sprunga í bergi er forboði þess sem koma skal og gýgur geymir sögu þess sem orðið hefur.

Sími: 846 8762     Netfang: petursson6@gmail.com

Fyrirlesturinn verður á Sögusetrinu kl. 20:00,
Aðgangseyrir er kr. 500.-

Veistu eitthvað um táknin á Þríhyrningi?
Ef svo er komdu þá endilega og segðu okkur frá því.

Hverju tengjast táknin? Kenningum Einars Pálssona? Norrænu landnámi?
Keltnesku landnámi? Launhelgum trúarbragða?

María Jónsdóttir frá Kirkjulæk í Fljótshlíð
opnar sýningu í Gallerí Ormi í Sögusetrinu
Hvolsvelli, Ormsvelli 12
laugardaginn 23. apríl kl. 15:00

María sýnir fjölbreytt handverk frá fyrri hluta
20. aldar til dagsins í dag.
Sýningin stendur til 29. maí
Opið alla daga 10:00 – 17:00