Íslenska
English 
Sögusetrið
Í Sögusetrinu er einstök Njálusýning, kaupfélagssafn, myndlistarsalurinn Gallerí Ormur, líkan af Þingvöllum árið 1000, minjagripa & bókaverslun og Söguskálinn – sem er veitinga- og samkomusalur í sögualdarstíl fyrir allt að 100 manns og hægt er að fá leigðan fyrir hverskyns mannfagnað, fundi og veislur.
Opnunartími
- 15. maí til 15. september er opið alla daga vikunnar kl. 09-18.
- 16. september til 14. maí er opið allar helgar kl. 10-17.
- Alla aðra daga og á öðrum tímum sólarhrings er opið samkvæmt pöntun og samkomulagi.-
Hópar og einstaklingar geta pantað heimsókn í Sögusetrið, ferð á söguslóðir Njálu og/eða aðgang að Söguskálanum hvenær sem er.
Síminn er 487 8781. Farsími forstöðumanns (opinn allan sólarhringinn) er 618 6143.
Netföng: njala@njala.is og ziggi@siol.net
-
Fréttir og viðburðir
Söguslóðir
Söguslóðir
Opinn Málfundur um Njálu
Samdrykkja í Sögusetrinu
1000 ára afmæli Njálsbrennu 2011
Bjarni Eiríkur Sigurðsson
Einar Kárason
Elísabet Kristín Jökulsdóttir
Sigurður Hróarsson
Sunnudaginn 6. marz kl. 13:00 (og fram eftir degi) verður opinn málfundur um Njálu í Söguskálanum í Sögusetrinu á Hvolsvelli.
Frummælendur verða Elísabet Kristín Jökulsdóttir rithöfundur, Einar Kárason rithöfundur, Bjarni Eiríkur Sigurðsson Njálumeistari og Sigurður Hróarsson bókmenntafræðingur. Einar mun upplýsa hver er höfundur Njálu – hvorki meira né minna, Bjarni og Sigurður munu rabba um höfund Njálu og verklag hans en erindi Elísabetar mun koma á óvart. Milli framsöguerinda og að þeim loknum verða almennar umræður um söguna og höfund hennar. Allir hjartanlega velkomnir að hlýða á erindin, skiptast á skoðunum og hóa í lætin að vild. Aðgangseyrir 1000 krónur. Kaffi og meðlæti. Barinn opinn.
Samtímis er í Gallerí Ormi sýning á myndverkum Þórhildar Jónsdóttur af persónum Njálu.