ÞÆR myndlistasýning

Í tilefni 100 ára kosningaafmælis kvenna verður haldin myndlistasýningin Þær í Gallerý Ormi, Sögusetrinu á Hvolsvelli. Opnunin verður haldin sunnudaginn 9. ágúst kl. 16:00 og mun sýningin standa yfir til sunnudagsins 13. september 2015.

Átta konur, bornar og barnfæddar í Rangárþingi eystra, sýna verk sín á tveimur samsýningum í Gallerí Ormi í Sögusetrinu. Fyrri sýningin stóð frá 5. júlí til 7. ágúst en síðari sýningin frá 9. ágúst til 13. september. Konurnar eiga það sameiginlegt, fyrir utan uppruna sinn, að þær luku námi frá Myndlista- og handíðaskóla Íslands, sem grafískir hönnuðir, á 25 ára tímabili frá 1972 til 1997. Í verkum þeirra má glöggt sjá sterkar rætur til æskustöðvanna, þar má nefna að bernskuheimili kvennanna átta eru fimm bæir sem eru innan 12 km radíus, en sex þessara kvenna eru úr Fljótshlíð og tvær úr Hvolhreppi.

Þær fjórar listakonur sem frumsýna verk sín í Gallerí Ormi þann 9. ágúst næstkomandi eru:

Álfheiður Ólafsdótir,
Guðrún le Sage de Fontenay,
Katrín Jónsdóttir og
Katrín Óskarsdóttir.